Nakadawat og balor P3 milyones nga grant ang kagamhanang lokal sa Cagayan de Oro ubos sa administrasyon ni Mayor Klarex Uy human napili isip usa sa mga syudad sa tibook Pilipinas nga mopatuman sa ‘Lunsod Lunsad’ program sa Department of Trade and Industry kon DTI.
Ang P3-million grant pormal nga gidawat ni Ms. Simonette Sagaral sa Cagayan de Oro Trade and Investments Promotions Center kon ORO-TIPC atol sa awarding ceremonies nga gipahigayon Oktubre 16 didto sa Philippine Trade Training Center, Pasay City, Metro Manila.
Ang ‘Lunsod Lunsad’ program nagtumong sa pagtumbok ug pagsuporta sa mga ‘innovative’ projects nga giduso sa nagkadaiyang LGUs sa nasud kansang katuyoan nga maangkon ang ekonomikanhong kalamboan sa usa ka syudad.
Usa lang ang dakbayan sa Cagayan de Oro nga gipili sa DTI nga makiglambigit sa ‘Malikhaing Pinoy’ initiative ubos sa Creative AGE: Accelerating Growth in Enterprises for Social Development Goals (SDGs) project sa United Nations Department of Economic and Social Affairs (UN DESA).
News and photo courtesy of CIO CDO