Gihingusgan sa Sangguniang Kabataan (SK) sa Barangay 6 nga mapatuman ang mga programa ug proyekto nga maghatag og dugang kaarangan sa kinabuhi sa kabatan-onan sa ilang dapit.
Kini human nadawat sa Komite sa Sports and Youth Development ni Konsehal John Michael Seno ang Annual Budget sa SK sa barangay aron matun-an ug mauyonan sa konseho.
Ang maong budget adunay gibanabanang kinitaan ug galastohan balor P270,527.00 ug gilantaw nga magpatuman sa gihan-ay nga mga programa ug proyekto alang karong tuiga.
Lakip sa gihatagan og prayoridad mao ang programa kabahin sa pagpalambo ug paghatag og gahum sa kabatan-onan, youth employment and livelihood, active citizenship o’ capability building ug uban pang mga programa nga gitumong pag-aghat sa kabatan-onan nga makiglambigit sa mga kalihokan.
(News and photo courtesy of CDEO CITY COUNCIL)