Dul-an 40 ka mga in-school youth and out-of-school youth ang gibansay kalabot sa mental health and self-care, Agosto 1, diha sa Xavier University Ateneo de Cagayan Grade School Gymnasium, ning siyudad.
Atol sa training, gi-abiabi ni Sangguniang Kabataan Federation President John Michael Seno ang mga partisipante ug gihisgutan usab ang kalabot sa school mental health ug substance use prevention.
Ang maong kalihokan nunot sa kasaulogan sa Oro Youth Month diin gisaulog matag bulan sa Agosto nunot sa International Youth Day kada Agosto 12.
Kini gipangulohan sa Oro Youth Development Office ubos ni Oro Youth Development Officer Lord Saver Centina uban sa mga partner non-government organizations.
(News and photo courtesy of CIO CDO)