28.6 C
Manila
Friday, March 29, 2024

Cagayan de Oro: Mayor Klarex nangulo sa lighting of Chinese lanterns sa city hall ug Gaston Park

- Advertisement -

Gibuksan ang Lighting of the Chinese Lanterns pinaagi sa pagpasiga sa Red ug Gold lanterns nga nakasab-it palibot sa city hall, ug gisundan sa lion dance performance, adlaw’ng Biyernes, Enero 20, sa City Hall Executive Building, ning siyudad.

Sumala ni Rosa Go,presidente sa Misamis Oriental Filipino-Chinese Chamber of Commerce and Industry (MOFCCCI) ang Gold nagsimbolo sa `wealth’ samtang ang Red, good fortune.

Atol sa programa, gipasalamatan ni Mayor Klarex Uy ang Filipino-Chinese community sanglit kini ang unang higayun nga miduyog ang dakbayan sa kasaulogan sa Chinese New Year.

“Salamat kaayo sa unang higayun dinhi sa dakbayan sa Cagayan de Oro nga aduna ta’y mga kaigsoonan nga Chinese nga nagpaambit sa ilang kultura aron masabtan nato kay sayang ug usik kaayo kon magkabulag kita ug dili pud matawag nga Filipino-Chinese community kon Chinese ra sab ang mag-uban o ang Filipino ra mao’y mag-uban,” saysay ni Mayor Klarex Uy.

Gihatagan usab og gibug-aton ni Mayor Klarex ang kamahinungdanon sa panaghiusa aron makab-ot ang hiniusang pangandoy nga ang siyudad mo-uswag ug makabaton og kalinaw ning Year of the Rabbit.

“Maghiusa ug magtinabangay kita kay kaninyo mga igsoon, ilabina sa atong Filipino-Chinese community, ang bugtong natong bahandi ning kalibutan, mao ra ang kalinaw kay ang kalinaw mao’y magdala nato sa daghan ug dagko pan’g kalamboan.”

Ang kalihokan gisugdan sa usa ka lion dance presentation nga gipasundayag sa Kong Hua School ug gisundan sa song and dance performances gikan sa nagkadaiyang grupo sa Oro Christian Grace School lakip ang WUSHU Federation Philippines Cagayan de Oro Chapter.

Kini gisaksihan sa mga miyembro sa 20th city council nga gipangulohan ni Vice Mayor Bebot Rodriguez, City Administrator Atty. Roy Hilario Raagas, mga miyembro sa Filipino-Chinese community, Filipino-Chinese Chamber of Commerce, ug Department of Tourism X Regional Director Marie Elaine Unchuan.

(Source: CIO-Cagayan de Oro, photo courtesy by Jay Arancon) 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -