29.8 C
Manila
Thursday, March 28, 2024

Cagayan de Oro: Mayor Klarex misalmot flag raising sa Lapasan; Pagka-matinud-anon sa trabaho gidaseg sa mayor

- Advertisement -

Kini ang mensahe ni Mayor Rolando ‘Klarex Uy’ atubangan sa mga kawani ug opisyales sa kagamhanang lokal sa Barangay Lapasan atol sa pagpakayab sa nasudnon’g bandila, Enero 23 ning tuig.

Gidasig ni Mayor Klarex ang mga kawani nga magmatinud-anon sa pag-alagad sa katawhan tungod kay talagsaon kini nga kahigayonan nga gihatag sa Kahitas-an.

Gidayeg usab sa mayor ang bayanihong tahas sa mga Barangay Health Workers (BHWs) ug Barangay Nutrition Scholars (BNS) sa pagtabang nga mapalambo ang programa sa panglawas sa komunidad.

Bitbit usab sa syudad ang mokabat sa 500 ka mga food packs nga gi-andam sa buhatan City Social Welfare and Development alang sa mga benepisyaryo nga gitakda sa barangay.

Gianunsyo usab ni Mayor Klarex nga maghangyo kini sa mga kapitanes nga siya mag-opisina sa barangay usa ka adlaw matag semana aron sa ingon personal nga masud-ong ang mga yangungo sa katawhan.

Sa iyang kabahin, mapasalamaton ug garbo usab ni Lapasan Punong Barangay Julito Ogsimer nga gipahigayon sa iyang barangay ang unang hugna sa pagsalmot ni Mayor Klarex og ‘flag raising’ sa barangay karong tuiga.

Miduyog usab sa nasangpit nga kalihukan si Vice Mayor Jocelyn ‘Bebot’ Rodriguez, kinsa mapasalamaton sa liderato ni Mayor Klarex diha sa tiunay nga pag-alagad sa katawhan nga walay paglantaw sa ‘color’ sa politika.

(Source: CIO-Cagayan de Oro, photo courtesy by Reynan Baylin)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -