28.6 C
Manila
Friday, March 29, 2024

Cagayan de Oro: Honoraria Ngadto Sa Barangay Health Workers Sa MisOr Gisugdan Na Og Pagpangtunol

- Advertisement -

Isip pasalamat sa ilang tanang kahago ug paghatag garbo sa ilang gihimong pagtimbayayong sa panggamhanang probinsya sa Misamis Oriental, gisugdan na og pagpangtunol ang honoraria ngadto sa mga Barangay Health Workers (BHWs).

Kini gipanguluhan sa Provincial Health Office kung asa tinuig ang distribusyon nga mobalor P3,000 alang sa matag BHW nga mokabat sila tanan sa 3,300 gikan sa tibuok lalawigan sa Misamis Oriental.

Gisugdan ang maong pagpangtunol sa Westeng bahin sa lalawigan sama sa mga lungsod sa Lugait, Manticao, Naawan, Initao, Libertad, Gitagum ug Laguindingan niadtong Oktubre 5 nga laumang matapos sa umalabot Oktubre 29, ning tuig

Si Ms. Jocelyn del Rosario nga mao ang Provincial BHW Coordinator nagkanayon nga gihimo nila ang stratehiya nga dili tapukon tanan ang mga BHW sa matag barangay kung sobraan ra ka daghan.

Kini gikinahanglan nga nahisubay sa mando sa gipatumang safety health protocols sa probinsya aron makalikay sa pagtakod-takod sa CoVid-19 virus.

Dugang mensahe sa pwersa sa PHO ubos sa liderato ni Dr. Jerie P. Calingasan nga ang mga nag-unang tahas sa tanang Barangay Health Workers nga giila nilang extension arm kon mga front liners sa matag barangay mao ang magsilbing educator sa matag household alang sa mga health campaigns.

Lakip sa ilang responsibilidad ang pag-organisa og mga kalihukan may kalambigitan sa mga komunidad alayon sa mandato gikan sa kagamhanang probinsya ug ang mahimong documenters sab niini.

Ning panahona nga hugot ang pagpatuman sa vaccination roll-out, ang mga BHWs ang kanunay mosuta ug motabang sa BHERTS team aron tunhay ang pagpatuman sa tanang proseso sama nalang sa pag-abot sa mga APOR aron dunay koordinasyon ngadto sa matag LGU.

Lakip sa ilang tashas ang pag-asistar sa mga nurses ug midwives nga naa sa Brgy. Health Stations.

Panghinaot ni Gobernador Bambi Emano alang sa tanang BHWs nga pulos mga trained ug skilled, magpabilin unta sila nga maayong impluwensya ug taytayan sa ligdong nga klase sa panerbisyo nga modala sa hingpit nga kalambuan sa tanang katawhan.
(Rejiann Ammor R. Maygay)

(Source: PHO-MisOr | Misamis Oriental Provincial Information Office Facebook page, photo courtesy by Marvin Gilig)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -