Magtigom karong alas 2:00 sa hapon diha sa hawanan sa Konseho ang komite sa environment ni Konsehal Roger Abaday.
Tukion sa maong tigom ang sugyot nga Memorandum of Understanding (MOU) tali sa Xavier University-Ateneo de Cagayan, San Isidro Calacapan Indahag Farmers Association –Multipurpose Cooperative (SICIFA-MPC) ug kagamhanan sa dakbayan kalabot sa pagpatuman sa Tree Growing/Reforestation Projects diha sa Sitio Calacapan, barangay Indahag.
Hisgutan usab sa maong tigom ang hangyo sa GAMA Foods Corporation nga masuportahan ang ilang aplikasyon alang sa Foreshore Lease Agreement/Provisional Permit sa gilarawng port area ug palm olein storage facilities dinha sa barangay Tablon.
Gipaabot nga motambong sa tigom aron pagpaambit sa ilang panahum ug opinyon sila si Konsehal John Michael Seno, Malou Gaane, Romeo Calizo ug Malvern Esparcia.
(News & photo courtesy of CdeO City Council)