Cebu City – Gisaka na usab og kawatan ang laing opisina sa gobyerno sa city hall compound sa dakbayan sa Lapulapu.
Ang gilungkab sa kawatan mao ang City Prosecutor’s Office.
Mao kini ikaupat nga buhatan nga na biktima sa kawatan nga wala pa mailhi sulod lang sa 23 ka adlaw.
Sa nasayran, gipangtaoran na sa kagamhanang local og dugang CCTV camera ang palibot sa compound aro mailhan ang kawatan human sa unang tulo ka insidente.
Suma pa sakapolisan, gilungkab sa kawatan ang pultahan sa fiscal’s office ug gisakiyo ang usa ka .357 revolver, wala matinong kantidad sa kuwarta ug personal nga mga butang.
Segun sa spot report sa Station 3 sa LCPO, nadiskobrehan sa janitor ang insidente alas 7:50 sa buntag sa miaging adlaw.
Si Rosalie Mancao nanglimpyo sa sawog duol sa entrance door sa opisina dihang iyang nabantayan nga guba na ang lock sa pultahan.
Gisumbong dayon kini ni Mancao sa iyang labaw nga si Susan Ladera nga mao nay misulti sa mga kawani sa buhatan.
Gawas sa trangka sa pultahan sa entrada, ang door lock sa cubicle offices sa assistant prosecutors gipangguba usab ug ang hunos sa mga empleyado ablina.
(Jhon Tadlip/JTY, photo courtesy by Jonathan Blaza)
(Source: Lapu-Lapu City Police Office – Station 3)