Cebu City-Nagpada og mga boluntaryo ang buhatan ni Bise Pres. Leni Robredo sa Sugbo aron pagtabang sa operation batok sa coronavirus disease o COVID-19.
Sa iyang tweet, si Robredo mipahibawo nga ang ilang team nga Bayanihan Sugbuanon migikan paingon sa Sugbo gahapon aron pagpangu sa OVP COVID-19 response operations.
Midugang si Robredo nga iyang gipasalamatan ang mga boluntaryo sa ilang response operations sa Cebu!
Ang mga detalye sa ilang inisyatiba ipagawas lang unya sa higayong ila nang ma-assess ug masuta ang hinanaling panginahanglan sa lugar.
Sa milabayng semana, ang OVP o Office of the Vice President mipalihok sa mga boluntaryo sa Sugbo aron pagsuporta sa mga front-liners nga nakigbisog sa batok sa COVID-19 nga mitakod na sa kapin sa 6 mil ka tawo sa tibuok lalawigan.
Sa nasayran, gilugwayan sa IATF ang ECQ o enhanced community quarantine sa Cebu City hangtod sa Hulyo 15 tungod sa padayong pagsulbong sa mga gipang-Covid.
Ang siyudad ang bugtong LGU sa nasod nga gipaubos sa mas estrikto nga kwarantina.