27.2 C
Manila
Friday, March 29, 2024

Buhatan Sa Bise Presidente Magpadagan Og Libreng Sakyanan Alang Sa Mga Front-Liner Sa Cebu City

- Advertisement -

Cebu City- Magpadagan og libreng shuttle bus ang OPV o Office of the Vice President alang sa mga front-liner ug healthcare workers sa Sugbo.

Sa iyang post sa Facebook, si Bise Pres. Leni Robredo miingon nga ang free rides ubos sa Bayahinan Sugboanon magsugod karong adlawa, Hulyo 6.

Ang Bayanihan Sugboanon maoy tawag sa Covid 19 Response Operation sa OVP.

Sumala pa ni Robredo, ang ilang  pilot run magsugod sa tulo ka rota nga adunay tagurha ka biyahe sa buntag ug hapon.

Hinuon, gitataw sa bise presidente nga mahimo pang ma-adjust ang maong rota depende unya sa panginahanglan atol sa pilot run.

Subay niini, iyang gidasig  ang tanan nga magtamod lang sa ilang official Facebook page ug ubang  social media platforms alang sa updates.

Una niini, gianunsyo ni Robredo nga motabang siya sa gubat batok sa Covid 19 sa dakbayan pinaagi sa mga sakop ug boluntaryo sa Bayanihan Sugboanon.

Sa nasayran, halos 6 mil na ang hitaptan sa virus sa siyudad hangtod sa milabayng adlaw ug labing minos 200 ang patay.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -