BOC naka red alert status batok sa NCoV, Collection performance naa sa positive 146 deviation

Naka red alert status karon ang buhatan sa Sub-port of Dadiangas Bureau of Customs batok sa gika balak- ang Novel Corona Virus. Kini human gibutyag ni port collector Elenita A. Albaño nga mipagula na ug kamanduan niadtong naka labayng adlaw ang ilang labaw nga si Commissioner Rey Leonardo Guerero nga bantayan pag ayo ang tanang naga sulod nga mga produkto sa nasud pinaagi sa pag tuman sa saktong protocol bag-o pa kini maka abot sa dapit asa ipang apod apod ang mga kargamento ug produkto. Luyo sa maong sitwasyon nahimong nindot ug positibo usab ang resulta sa ilang ulahing quarter nga pag pangolekta diin dunay surplus nga 66 million base sa ilang target nga 147Million ang ilang nakolekta, suma total anaa sa 146 positive  devation  ang collection performance nga nahimong pinaka dakong kliyente matud pa nila mao ang Phoenix petroleum company nga gisundan sa mga cement product importers diin mokabat usab sa 80 ka container van ang ginapagawas matag bulan gikan sa mga tuna canning industries ug canned fruit products exporters. Gitino usab niini nga nakig alayon na ang tanang mga ahensiya sa gobyerno nga gipangunahan sa Philippine Ports Authority(PPA) aron pahugtan gayud ang siguridad ug likayan ang posibleng kontaminasyon sa NCoV.  Dakong tabang matud pa ang maayong relasyon sa iyang mga ginsakpan ug ang hugot nga suporta gikan sa ilang mga external supporters hinungdan nganong nahimong malampuson ang ilang trabaho. Kahinumduman nga upat pa lang ka bulan ang milabay human pormal nga milingkod isip bag –ong port collector sa Sub-port of Dadiangas Bureau of Customs si Collector Elenita A. Albaño.