28.9 C
Manila
Friday, March 29, 2024

BLGU Villariza Ug Mga Officials Sa Munisipalidad Sa Malimono, Miatubang Sa Committee Hearing Sa Sangguniang Panlalawigan Kalabot Sa Isyu Sa Campo Langit

- Advertisement -

Miatubang niadtong Miyerkules sa buntag sa Committee Hearing sa Sangguniang Panlalawigan ang Barangay LGU sa Villariza sa pagpanguna na ni Punong Barangay Arthyller Jun Quiño ug mga officials sa munisipalidad sa Malimono, Surigao del Norte kalabot sa isyu sa kalit nga pagdagsa sa mga tawo sa giingong The Holy Peak nga mao ang Campo Langit nga una ng gipaabot ang reklamo sa usa ka taga Sapa, Claver nga ginganlan ug Celmar Galindez ngadto sa mga myembro sa hunta probinsyal nga matud pa wala nasunod ang minimum health protocols nga giimposar sa gobyerno.

Atol sa hearing nga gihimo sa Committee on Public Order and Safety nga gipangulohan ni Board Member Edgar Andanar, aminado ang BLGU ug ang mga officials sa lungsod nga aduna’y mga lapses sa ilang bahin, ilabina nga niadtong milabay’ng Byernes naglisod na sa pagpanaog sa mga tawo sanglit tua na kini sa layo nga area o tuktok nga bahin ug nangahago na sa pagsaka.

Dili man mabasol ni Municipal Health Officer Dr. Leonard Abraham ang BLGU tungod sa gitas-on sa panahon nga ang komunidad napailalom sa quarantine ug kinahanglan wala’y mangasakit apan wala usab nagkulang sa inisyatiba ang barangay sa kanunay nga pagpahinumdom sa pagpasuot ug face mask ug dili pagdikit-dikit sa mga tawo. Aduna lang gyud dili maminaw.

Taliwala sa mga gikulangon, giingon ni BM Andanar nga gikinahanglan ang pagbalanse sa ekonomiya apan dili usab isakripisyo ang health ug safety sa mga katawhan ilabina panahon karon sa pandemya.

Kauban sa mga nasabutan sa Committee Hearing mao ang;

□Pag-obserbar sa health protocols partikular na sa physical distancing ug pagsuot ug face mask, ug ang paglimita sa mga kabataan, aduna’y mga sakit sama na sa hypertension ug asthma ug pagdili sa mga 60 anyos pataas.

□Pagtabang sa PNP/Philippine Army sa pagsigurong luwas ang area ug pagkontrola sa pagdagsa sa mga tawo.

□Pagmugna ug mga regulasyon alayon sa turismo ug ang pagdala ug balik sa mga plastic bottles.

□Ug ang pagpalambo sa lugar pinaagi sa pag-ayo sa dalan/mga bato.

Sumala ni Dr. Abraham nga samtang temporaryo pa’ng gisirhan ang Campo Langit, paspasan nilang himuon ang mga rekomendasyon aron sa subling pag-abli niini plansado na ang tanan.

Presente sa Committee Hearing sila ni;
> Hon. Herannie Lou Del Carmen, ang SB on Health,

> Hon. Danilo Abraham, ang SB on Public Safety,

> Engr. Arnel Amalla, ang MPDC ug Tourism Officer Designate,

> PLt. Carlito Baslot, ang OIC sa Malimono MPS

Presente usab sila ni;
> BM Cayetano Recabo,
> BM Julics Sunico
> BM Fernando Larong
> SK Prov’l Federated Pres. Angelou Jess Lagus, ug
> Assistant Secretary to the Sangguniang Panlalawigan Oscar Pospia, Jr.

Pagdugang, gicongratulate ni BM Nathaniel Plaza ang mga officials tungod sa pag-ugmad sa Campo Langit diin sumala pa nga aduna’y plano nga ang tanang munisipyo aduna’y attraction alang sa mga lokal ug langyaw’ng turista.

Matud pa ni BM Andanar nga dili sila malugda sa ilang mga imbitasyon aron sila makatabang sa bisan unsa nga panginahanglan ilabina sa kalambuan sa munisipalidad ug sa Brgy. Villariza.
(Jun Prex Salubre, Ronda 6 RPN DXKS)

Please like our Facebook page: RPN DXKS Radio Surigao

Please watch below for the exclusive video of Committee Hearing at Sangguniang Panlalawigan:

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -