Radio Philippines Network
DXDX GenSan News Provincial News

“Big Brother Role” Sa Kapitolyo Sa Sarangani Gidayig Sa Mga Medical Frontliner

Ang “big brother role” sa Provincial Government sa Sarangani ngadto sa pito (7) ka munisipyo ang gidayig sa mga medical frontliner sa Sarangani Province.

Segun ni Mr. Bong Yadao, ang medical technologist sa Provincial Health Office ug maoy gituboy nila Governor Steve Chiongbian Solon ug Provincial Health Officer Doctor Arvin Alejandro nga pangunahan ang Provincial Diagnostic and Testing Team, anaa pirme matud pa naka-ayuda ang medical ug non-medical team sa probinsya ug ang mga personahe sa Department of Health kung unsa man ang kakulangan sa matag lungsod, lakip na mga supplies ug sa field operations.

Gani, padayon ang PHO Sarangani gapanghatag og COVID-19 testing booth with accessories sa mga munisipyo sa tabang sa mga donasyon gikan sa private sector partners, sama sa Rotary Club, PAMET kon Philippine Association of Medical Technologists SOCSARGEN ug mga health supplier.

Dili muubos Baynte-singko Mil ka pesos (P25K) ang kantidad sa usa ka testing booth, gawas sa gi-donar usab nila nga mga face mask, face shield, makaon ug mga vitamins, panigurado, gawas sa gipangsuot nga mga PPE suit, nga dili matakbuyan sa makamatay nga Coronavirus ang mga med tech bisan na ang ubang medical worker samtang gapahigayon og rapid ug swab testing ug gaatiman sa mga tao.

Samtang, extended ug hangtud pa sunod tuig 2021 nga walay pagabayaran ang mga taga-Sarangani Province sa pagkuha sa ilang laboratoryo ug medical certificate sa tanang pampublikong tambalanan sa probinsya.

Gawas nga pagdasig kini sa mga residente nga dili mag-alanganin sa pagduol sa ilang municipal hospital kung adunay gibati sa lawas, ayuda pud kini sa mga opisyales sa Kapitolyo sa Sarangani sa pagpanguna ni Governor Solon aron ma-menus menusan ang galastuhan samtang anaa pa karon ang kadaghanan sa ka-krisis tungod sa Coronavirus pandemic. (Provincial Information Office – Sarangani)

Related posts

Sadjaw Bonok-Bonok 2020 (Online Group Dance Showdown)

RPN

Personnel From City General Services Led By Jupiter Dotillos And The DPWH 2nd Engineering District Personnel Cleared The Toppled Acacia Tree

RPN

Davao De Oro Launches Online “Call Ddoc”

RPN