Ugdaw an bayay sa magtiayong Regie sanan Glenda Bandivas kagainang alas 10 sa buntag didto sa Purok 5, Brgy. Canlanipa, Surigao City.
Sumala sa imbestigasyon ni FO3 Junril Goring, an BFP nakadawat nan tawag pakitabang gikan ni Patrolman Josher Carballo na may sunog sa nahisgotang lugar.
Lisod sudlon sa firetruck an lugar ilabina nga kini bakilid ug sa ilang pagresponde, waya na mapugngi an kayajo na miugdaw sa bayay na gama sa light materials.
Tungod sa panginabuhi, gibutyag sa tag-ija nan bayay na si Regie na waya silang magtiayon dihang kini nahitabo, ug ang 4 years old lamang nila na bata na si Wesley Matthew an nabilin. Didto
nahibaw-an na naghampang kini nan cigarette lighter sanan naduslitan niya an papel hangtud miulbo an kayajo. Gideklarar sa BFP na aksidente an nahitabong sunog.
(RPN DXKSÂ Surigao via Ronda 12 Bonie Binayon)