Lima pulo ket siyam amin dagiti nagbalin a benepisyaryo iti naisayangkat nga SPES salary distribution iti sango ti kapitolio probinsial nga indaulwan ni Gob. Mathew Marcos Manotoc.
Inimatangan met daytoy da Vice Gov. Cecil Araneta Marcos, Sang. Panlalawigan members Atty. Saul Lazo, Atty. Donald Nicolas, Atty. Franklin Respicio ken Hon. Portia Salenda.
Dagiti immawat iti suweldo da ket manipud iti Laoag City -35, Solsona- 5, Dingras -4, San Nicolas- 5, Bacarra- 2 ken Paoay -8. 6,400.40 ti inawat iti tunggal maysa dagiti benepisyaryo kasukat ti panagtrabaho da iti uneg ti 20 nga aldaw.
Daytoy ket ti 60 a porciento a bingay ti gobierno probinsial idinto a ti nabatbati nga 40 a porciento ket ipaay to met ti Department of Labor and Employment.
Nagyamanan met ni Gob. Marcos Marcos Manotoc dagitoy gapu ti inpaay da a serbisio kadagiti opisina a nagtrabahuan da iti uneg ti 20 nga aldaw.
Inlawlawagna a ti panangala ti probinbsia kadagiti estudiante nga agtrabaho kabayatan iti bakasion ket tapno makasapul ken makasursuro da kadagiti trabaho iti uneg ti maysa nga opisina.
Ti Special Program for the Employment of Students wenno SPES ket programa pay laeng ti gobierno probinsial ken ti Dept. of Labor and Employment tunggal bakasion a maididiaya kadagiti estudiante a mayat nga agtrabaho kabayatan iti bakasion.
(Source: Provincial Government of Ilocos Norte)