Naragsakan ni Gobernador Matthew Marcos Manotoc kalpasan a napagtalinaed ti Ilocos Norte a kababaan iti bilang ti kinakurapay ken agtultuloy a bumabbaba iti intero a pagilian iti Provincial category.
Maibasar iti kaudian a report ti Phil Statistic Authority wenno PSA, bimmaba iti .03 percent poverty incidence ti Iloocos Norte.
Maipalagip nga idi tawen 2021, ti laeng Ilocos Norte ti kakaisuna a probinsia iti rehiyon uno a nakagun-od iti single digit Poverty Incidence Among Population rate iti 9.0 percent.
Ti nasao a bilang ket bimmababa payt iti 0.9 percent iti 2023 a nangpatibker pay ti status iti Ilocos Norte kas maysa kadagiti probinsia nga addaan ti kababaan arate ti kunakurapay ditoy pagilian.
Mainaig iti daytoy, agtultuloy pay ti panangipangpangruna iti Gobernador Manotoc kadagiti addang a panangkissay pay ti kinakurapay babaen iti panangpapintas pay iti produksion ti agrikultura, edukasion ken gundaway iti trabaho wenno pamastrekan tapno adadda pay a sumayaat iti panagbiag ditoy probinsia. (Ronald Domingo)