Binalakadan ti Bureau of Fisheries and Aquatic Resources (BFAR) iti Ilocos Norte dagiti fish cage operators a nasapa nga agapit tapno maliklikan ti aniaman a fish kill gapu iti ngumatngato a temperatura.
Segun kenni Vanessa Abegail Dagdagan, senior aquaculturist ti Bureau of Fisheries and Aquatic Resources , kinunana a manipud idi napan a lawas, sumagmamano a raisers ti tilapia, bangus (milkfish) ken malaga kadagiti ili iti igid ti baybay ti Currimao, Paoay ken siudad ti Laoag ti nakadlaw iti sumagmamano a fish kill incidents gapu ti heat index segun iti weather bureau ket nakadanon iti “danger” level a 42-51 degrees Celsius.
Kas mitigating measure, kinuna ni Dagdagan a mabalin a maipatungpal ti “force harvesting tapno malapdan ti ad-adu pay a pannakapukaw, ken saan a masayang dagiti ikanda.
Nasinged met ti panangmonitor ti ahensia iti panagsabong ti algae para iti posible a pannakapasamak ti red tide ken mangipapaay iti teknikal a tulong iti panangduktal ken panangagas iti sakit ti ikan, ken dadduma pay. (April Joyce Gonzales)
(Source: BFAR – Ilocos Norte)