#OneDINAGATShield #OurCommunitiesOurFrontline
Base sa pamahayag ni Provincial Health Officer Jillian Francise A. Lee nangabot niadtong 27 June 2020 ang nagkalain-laing mga supply nga gipalit sa Provincial Government sa Dinagat Islands nga gikan sa Bayanihan Fund. Kini gi-release pinaagi sa National Government ubos sa Bayanihan to Heal as One Act. Sulod sa mga supply nga nangabot mao ang sama sa: surgical mask, gloves, faceshields, personal protective equipment (PPE), ug uban pang mga kagamitan alang sa pakigbatok sa COVID-19.
Gibutyag usab ni Dr. Lee nga lakip na niini ang nagkalain-laing mga tambal para sa highblood, diabetes, hubak, ug uban pang mga sakit nga ginabatyag sa mga hingtungdan nga angay katambalan. Kini gihimo nga lakang aron mahatagan ug insaktong pagtagad ang panglawas nga panginahanglanon sa mga katawhan ug dili na sila maglisod nga mobyahe pa sa layong dapit aron makapalit ug tambal ilabi na karon nga panahon nga adunay gisagubang nga krisis.
Gisiguro sa sa lokal nga pangagamhanan nga mahatod ngadto sa tulo (3) ka district hospitals ug sa pito (7) ka mga Rural Health Unit (RHU) aron magamit kini dayon sa mga katawhan.