Duha ka truck ug libuan ka sakong bugas ang gipanghatag diri sa syudad sa Gensan gipaagi sa LGU kon Local Government Unit gikan sa BARMM ang miabot karong adlawa .
MIsmong gipangunahan sa representante sa Regional Social Welfare and Development sa Bangsamoro Autonomous Region In Muslim Mindanao ang paghatud sa maong ayudang bugas nga mikabat  sa 1,000 sacks apan 600 plus pa ang naunang miabot tungod sa kakulangan sa masakyanan apan mosunod gilayon ang nahibilin nga sinakong bugas .
Gisugat kini sa mga opisyal sa syudad ilabina sa mga opisyal sa Office of Muslim Filipinos ug Executive Assistant for Muslim affairs kauban sa mga muslim organizations ug Rajahmuda Inkong ug mga kaubanan.
Dakong kalipay niini ang mga benepisyaryo sa nagkadaiyang mga barangay sa Gensan . Gi welcome usab ang maong hinabang sa mga opisyal sa Gensan gipangunahan ni Mayor Ronnel Rivera.
Samtan giklaro nga kasagaran nga nakadawat ang dili beneficiary sa SAP kon Social Amelioration Program sa DSWD Â ug mga pobreng uyamot nga naapektuhan sa covid 19 pandemic. Gipadayon ang pag apod-apod sa maong mga bugas ngadto direkta sa mga tawo ilabina sa muslim communities sa syudad sa Gensan.