Cebu City- Gisuspenso sa Maritime Industry Authority kun Marina-7 ang biyahe sa M/V Mika Mari 3 human kini mapagngi og makina samtang naglawig paingon sa Camotes gikan sa Danao City sa milabayng hapon.
Sumala pa sa director sa Marina 7, Engr. Marc Anthony Pascua, mihimo na silag kongkretong lakang aron dili mameligro ang kinabuhi sa mga pasahero ug tripolante.
Matod ni Pascua, dili na nila mahimong palabyon ang maong hitabo kay duha ka barko na sa Jomalia Shipping ang nakasinati og problema.
Nasayran nga mibiya sa pantalan sa Danao ang barko sakay ang 133 ka pasahero, 17 ka tripolante ug 16 ka rolling cargoes nianang alas 2:30 sa hapon padung sa Consuleto port sa Camotes.
Nakadawat og tawag ang Coast Guard Sub-station sa Camotes bahin sa nahitabo sa M/V Mika Mari 3 nga nakasinati og problema sa makina hinungdan nga wala na mopadayon paglawig.
Sumala pa sa tigpamaba sa Phil. Coast Guard kun PCG 7, Lt. Junior Grade Eric Salcedo, nakita sa pakisusi nga ang cooling system sabarko mipalyar hinungdang mi-overheat ang main engine ug napawong.
Nagpada dayon og team ang Coast Guard sub-station sa Consuelo port nga adunay gilay-ong duha ka nautical miles o halos tulo ka kilometro.
Lakip sa mitubag sa alarma ang igsoong barko sa M/V Mika Mari 3, ang LCT JSC1, nga mitabang sa rescue operation ug pagbitad sa barko.
Nakadunggo sa pantalan sa Consuelo-Camotes ang MV Mica Marie 3 Â alas 6:09 sa gabii na ug luwas ang tanang sakay.