Sukad gilusad niadtong Mayo 1, 2021 sa PNP ang Barangayanihan ning-abot na sa pulo ka barangay sa lungsod sa Roxas ang natagaan sa mga ayuda sa PNP Roxas Municipal Police Station para sa mga lumolupyo sa nahisgutang napulo ka barangay.
Sa gihimong pagpakighinabi ning tigbalita ni PMaj Evelyn Floren Porras, hepe sa Roxas Municipal Police Station nahibaloan nga giadtoan sa mga PNP Roxas ang mga kabarangayan sa ilang lungsod aron tagaan sa giandam nilang mga ayuda.
Subra na sa upat ka gatos katawo ang natagaan sa mga pulis og mga hinabang o ayuda nga mao ang barangay Lipakan, Pinamar, Minang, Galokso, Sitio Malicas, Panpalay, Nabilid, Langatian, Dohinob ug Barangay Moliton.
Dako ang pagpasalamat sa mga residente sa nahisgutang mga barangay tungod kay bisan paman sa kalayo sa ilang mga barangay sa lungsod apan gisakrepisyohan gayud sa mga pulis sa pag-adto para lamang maihatag ang mga ayuda. (Rosevelt Mondinido, RPN DXKD Dipolog Volunteer)