Gihimo sa kapulisan sa lungsod sa Tagana-an sa pagpangulo ni OIC Chief of Police PLT. FELIX BARATAS, JR. ang BARANGAYanihan atol sa Labor Day pinaagi sa Police Community Relations (PCR) Designate Haji C. Salubre ug PCMS Elmer Beberino diin nahimong benepisyaryo sa ilang “libreng gupit” ang mga sakop nga driver sa Taganaan Himamaug Banban Libas Tricycle Operator & Driver’s Association (TAHIBALITODA) sa duha niini ka mga venue didto sa Brgy. Lower Libas sa pag-assister sa Brgy. Secretary nga mao si Jay-R Quiñonez ug didto sa Brgy. Azucena.
Sumala ni PLt. Felix Baratas, Jr. nga ang mao nga programa o aktibidad alayon kini sa memorandum o direktiba gikan sa National Headquarters in relation sa kasaulogan sa Labor Day, ug sa NTF-ELCAC nga makuha ang simpatiya sa mga katawhan sa Tagana-an.
Gumikan sa mao nga programa, ang dako kini nga gipasalamatan sa Bise Presidente sa TAHIBALITODA nga mao si MR. ROGELIO BALAGBIS, JR. tungod kay nakatabang gihapon kini kanila taliwala sa pandemya.
Matud pa sa Presidente sa TAHIBALITODA nga mao si PASTOR RICARDO BUHION, nga dako ang naihatag nga epekto sa suporta gikan sa Taganaan Municipal Police Station. Gani komitado sila sa kampanya sa kapulisan ilabina ang pagsumpo sa kriminalidad sa nahisgutang lungsod.
(Jun Salubre, Ronda 6, RPN DXKS Surigao)
(Source: Interview with the Vice President of TAHIBALITODA, MR. ROGELIO BALAGBIS, JR.)Â