Gipangaresto ang usa ka barangay kapitan ug kagawad human naabtan sila nga nagsabong sa San Rafael, Barangay 10-A, Davao City alas 2:30 sa hapon kagahapon.
Ang nasangpit nga operayon gipahigayon sa Special Operation Group (SOG) Davao City Police Office ug San Pedro Police Station kon asa nadakpan silang Kapitan Marc Cayetano sa maong barangay ug Kagawad Romeo Mamontayo.
Lakip nadapan ang kauban nilang mga sabongero nga silang Waren Comision, sakop sa Special CAFGU Active Auxiliaries, Mark Gero Mangayup,
Abelardo Dela Torre, Restito Abellana, Javari Gervantes, Dodong Balmory, Juan Celis, Justin Angelo Arreglo, Christoper Dugos, Dodong Almario, Ken Malcampo, Ronel Formentera, Ali Borja, Peter Canodas, Reymond Rex Castillo, Akbar Catucag, Kalid Langga, Ben Gambong,
Ricky Claveria, Julios Sapico, Francis Pingot, Bayong Superales, Lorie Daway, Mark Gelicania Duterte, Veterano Burgos Tan, Serapin Majadas, ug Miguel Mascarinas.
Subay pa sa imbestigasyon nga gireklamo matud pa sa nagpakabanang residente ang natigayon nga sabong sa farm ni Kapitan Cayetano rason nga gikasa gilayon ang operasyon hinungdan sa ilang pagkasikop.
Naimbargo usab ang ₱ 245,734 nga kantidad nga gitoohang maoy pusta, 33 ka tari, ug duha ka manok panabong.
Nag-atubang na karon og kaso ang mga dinakpan ilabi na ang duha ka barangay opisyal.
(San Pedro Police/ OIC Michael Manguhig, RPN DXKT Davao)