Napinget ti kalikagum ni Gob. Matthew Marcos Manotoc a masigurado a mausar iti nakairantaana dagiti maiyestablisar a “barangay eco park” kadagiti amin a barangay ditoy probinsia.
Kiniddawna nga apaman a maipasdek dagitoy ket masapul a mamantenar para iti pagsayaatan dagiti umili.
Nagpanawagan pay ti gobernador a nasken a mailawlawag kadagiti ubbing jen agtutubo ti kinapateg ti “composting”.
Impalgakna a ti “waste management” wenno napintas a pannakaiwanwan dagiti basura ket maysa a dakkel nga industria.
Inbunannag ti gobernador a dakkel ti mapastrek iti nadakamat nga industria.
Inpaayna nga ehemplo ti mapataud nga organic nga abono iti “vermicomposting” a kasapulan unay dagiti pagtatalonan ti probinsia.
Impettengna a naiget a panagkasapulan ti probinsia iti organic nga abono kas ipamatmat ti resulta ti naisayangkat a pannakaeksamen dagiti daga kadagiti pagtatalonan iti bukud a lugar.
Inlawlawag ni Gob. Manotoc a babaen iti nasao a proyekto keta du a parikut ti probinsia ti masolusyunan.
Mamati a daytoy ti kasayaatan a ‘COVID project” ken namnamaenna ti suporta ti tunggal maysa iti daytoy a proyekto.
Innayonna a babaen iti daytoy ket maaddaan ti tunggal barangay iti bukud a pagpasiaran a lugar, makatulong a pangalaan ti nayun a taraon dagiti lumugar ken kangrunaana masolusyonan ti parukit ti basura kadagiti barangay. (Ronald Domingo, RPN DZRL Batac Correspondent)
(Source: Provincial Government of Ilocos Norte)