Iriga City — Dagos ng nagtalaan nin paradahan o parking space sa mga bisekleta an local na gobierno kan Nabua, Camarines Sur., ini kasunod kan pagdakol kan mga risedentes na nag-gagamit nin bisekleta sa panahon kan pandemya.
Sigun sa pahayag ni Municipal Councilor Junjay Fortuna sa Radyo Ronda ipinasar na ninda an magkapirang lugar na gagamiton na rampa asin paradahan kan mga bisekleta na babantayan kan traffic management task force, alagad mayo nin bayad.
An mga lugar na itinalaan kan local na gobierno iyo an atubangan na portion kan merkado asin likod na parte nganing dai madipisilan an mga may bisekleta kun sain iwawalat mientras na namamakal sa merkado publiko kan Nabua, Camarines Sur. (OIC Melvin F. Barayoga, RPN DZKI Iriga)
(Source: Interview with Councilor Junjay Fortuna)