33.8 C
Manila
Friday, March 29, 2024

Bangga Ngunian An Mga Iriguenio Sa Resulta Kan Inquiry Duman Sa Kamara Baja Katakod Kan SAP Distribution, An Iba Napatos Nin Pagka Hirak Sa Alcalde Kan Iriga

- Advertisement -

Bangga ngunian an paninindugan kan mga Iriguenio sa nangyaring house inquiry kasu-odma kun sain inakusaran si Mayor madel Yorobe Alfelor kan cuidad nin Iriga sa pagbalga sa anti-graft and corrupt practices act huli sa salang SAP distribution.

An iba nagpahayag nin kamunduan sa resulta kan house inquiry na enterong rinatakan an personal na pagkatao kan alcalde, mientras na an iba nagtutubod na mas maray na nagluwas an katutuohan sa nangyaring irregularidad.

Sa harus tulong oras na house inquiry, enterong naraot an kridibilidad ni alfelor matapos na taw’anan nin SAP an mga maestra asin iba pang empliyados kan unibersidad na pagsasadiri kan saindang pamilya na an iba bako man na taga Iriga kundi taga  Buhi asin an iba mga taga banwaan nin Baao.

 

Sa pagpoon pa sana entero ng pinag-establiser sa kahaputan ni 2nd district cong. Lray Villafuerte, magkapirang beses kaining pinatunayan na soboot nagpuputik an alcalde, mientras na pinipirit pa kaini an pagigin ignorante kan three termer mayor kan Iriga.

Tulong maestra kan UNEP an nagpatunay kan nasabing pangyayari matapos na sinda magin testigo asin direktang sabihon na si Mayor Alfelor mismo an nagtao sa sainda kan 5 mil, alagad kan magkaigua nan in dangog na inquiry ini pinabalik sa sainda sa paagui kan pagpa-pirma sa sainda sa city hall.

Nagpahayag man nin kamunduan si Atty. Santiago “Nonoy” Ortega Jr., huli ta masuwerting maray an mga empliyados kan UNEP mientras na an saiyang mga empliyados sa USANT dai nataw’anan kan ayuda.

Sinabi kan abogado na bilang sarong tax payers na ika tulo sa highest tax payer kan cuidad igua siya nin poder tanganing  aramon kun sa-irisay an nakinabang sa kuwarta kan banwaan.

Sa lado ni Kapitan MM alfelor kan san roque saiyang sinabi na bako siya an nagbariwas kan SAC form kundi an saiyang mga kalaban sa politika na kaalyado kan saiyang pinsa.

Arog man kaini an pinatunayan ni PB Rodolfo pungtan kan sta elena na nahaluan soboot nin politika an SAP distribution.

Mientras tanto, hasta sa ngunian dakol an mantinidong nagtutubod sa alcalde kan Iriga sa pagsabing in good faith asin igua nin dakulang puso an alcalde sa pagtabang sa mga namamanwaan.

Pinagbatikos pa ninda si Cong. L ray na amay na namomolitika asin ginagamit an kamara tanganing idodo an saiyang mga kalaban.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -