Bana sa branch manager sa Kapa Ministry sa Surigao City nadakpan sa CIDG sa kasong illegal na paghupot nan armas sanan mga bala.
An mga detectives sa CIDG daya an Search warrant no 01-2021 na gi-issue ni Judge Melinda B, Mantilla, presiding judge sa 4th MCTC CLAVER-GIGAQUIT, 10th Judicial Region sa kasong violation sa RA 10591 pinitsahan Pebrero 19, 2021 gisilbi kagahapong adlawa, Sabado, Pebrero 20, 2021 sa may 6:30 sa buntag ngadto kan Vevencio Gumapac Lanogan Jr., 3e anyos minyo na taga Purok 3, Brgy. Mahanub, Gogaquit, Surigao del Norte.
Nakuha sa CIDG RFU13 – Surigao del Norte PFU sanan sa Gigaquit Municipal Police Station iban sa koordinasyon nan Surigao del Norte Police Provincial Office kining mga mosunod: isa ka Caliber .45 STI na pistola, isa ka magazine sanan pito ka bala sa caliber .45.
An CIDG Flagship Project “OPLAN PAGLALANSAG OMEGA” nagmalampuson sa pagdakop sa akusado diin jaon sija kuman sa kustodiya sa CIDG RFU13-Surigao del Norte PFU para sa saktong dokumentasyon sanan pag-inquest sa kasong Illegal Possession of Firearm and Ammunition. (CIDG SDN | RPN DXKS Surigao, photos courtesy of CIDG SDN)