Sikop sa buy bust operation sa kapulisan sa Claver an isa ka babaje na tindera nan balot human kini napalitan nan shabu pinaagi sa isa ka poseur buyer.
An suspetsado tagpakilaya sa kapulisan na isa ka Rosie Estrada o sa dagnay na Socette, 48 anyos na taga Purok 7, Brgy. Taganito, Claver, Surigao del Norte.
An kapulisan sa Claver pinangulohan ni Major Nira Perocho iban an Drug Enforcement Unit sa Surigao del Norte PPO milusad sa operasyon sa may alas 8:30 sa gabii Hunyo 4, 2021 didto sa Purok 7, Brgy. Taganito, Claver, Surigao del Norte.
Nakuha sa mga operatiba an lima ka mga sachets sa gidudahang shabu na may kabug-aton na 1.3 grams o mobalor sa P15,340.00 sanan apil nilang nakuha an P500.00 na marked money.
An nadakpang suspetsado mag-atubang sa kasong violation sa RA No. 9165 o ang Comprehensive Dangerous Drugs Act of 2002. (RPN DXKS Surigao)