Gilantaw nga mapalapdan pa ang kampanya sa dakbayan sa Cagayan de Oro kontra Covid-19.
Kini human ang konseho sa syudad ubos ni bise mayor Kikang Uy mirekomendar nga mapundohan sa nasudnong gobyerno ang balor ₱ 50 milyones nga pagtukod og Emerging and Re-emerging Infectious Disease (ERID) Laboratory dinha sa barangay San Simon.
Gipasabot nga ang pagmugna sa maong laboratory makatabang sa daling pag-ila sa mga makatakod nga sakit ug magsilbi nga key surveillance point alang sa mga pagkuha sa data ug halapad nga pagpahibalo ngadto sa katawhan.
Kini makatabang usab sa kasamtangang epidemiologist situation.
Ang pagatukoron nga edifisyo striktong magpatuman sa biosafety ug biosecurity protocols ug magmugna sa state-of-the-art facility ug magseguro sa standards alang sa kapaseguroan sa katawhan ug mga personahe sa laboratory.
Niini, gihan-ay ang mga giya ug patakaran sa pagpatuman sa Bayanihan to Recover as One (BARO) Act kon RA 11494 sa tinguha nga maabagan ang mga lokal nga kagamhanan dinha sa mga gipatumang programa kontra sa Covid-19. (Sangguniang Panlungsod)