Si konsehal George Goking, chairman sa komite sa trade and commerce, namahayag nga angayang matun-an pag-ayo ang mga income generating ordinances sa syudad.
Kini ang pamahayag sa konsehal aron makab-ot ang mga gahin alang sa sunod tuig kay kini dako kaayo og epekto sa panudlanan sa dakbayan. Gipasabot ni Goking nga tungod sa pandemya ang mga negosyante na-alkanse karong tuiga busa angayan nga matun-an ang mga pamaagi ug giya aron matabangan ilabina ang mga small and medium enterprises.
Si konsehal Goking mipasabot angayan matun-an ang mga ordinansa nga nakalambigit sa mga negosyo ilabina sa mga kontrata sa syudad. Ang gahin alang sa 2021 gipasabot atol sa budget  hearing nga misaka ang IRA sa 6% ug dugang na kini nga makatabang alang sa operasyon sa sunod tuig.
Angayan gayud matun-an ang tanang mga ordinansa ug kontrata aron kini mahan-ay ang implementasyon sa sunod tuig.
Gikinahanglan lamang ang pagtinabangay, pasinab tanay ug panaghiusa, panapos  ni konsehal Goking. (Sangguniang Panlungsod – CdeO)