Si Floor Leader Atty. Jonald C. Napigquit, atol sa Privilege Hour sa regular session sa SP kagahapong adlawa, Disyembre 20 ning tuiga, ang mipadangat sa iyang mainitong pagdawat, sa ngalan sa Konseho, ni Banga human kini midaog sa piniliay sa pagka-Presidente sa Liga ng mga Barangay ning dakbayan.
Gipadayag usab sa Floor Leader nga ang konseho ang hugot nga mopaluyo ug mosuporta kaniya sa iyang bag-ong tahas sa Konseho. Samtang ang bag-ong Konsehal nga si Banga ang misaad nga dal-on niya ang tingog sa 21 ka mga barangay ug atubangon ang iyang responsibilidad kutob sa iyang mahimo. Nasayran nga si Konsehal Irvin Banga (Punong Barangay sa Brgy. Estaka) ang miholip ni kanhi Konsehal Julius Gajonera (last-termer) kinsa mikanaog na sa iyang posisyon nga Liga ng mga Barangay President human usab gipahigayon ang eleksiyon sa nahisgutan nga Liga niadtong Disyembre 15 ning tuiga.
(Source: Dipolog City Government Facebook Page)
