Radio Philippines Network
DXKO CDO News Provincial News

Bag-Ong Kaso Sa COVID-19 Sa Oro, MisOr Single Digit Na

Single digit na lang kun wala na makaabot og 10 ka kaso sa coronavirus disease (Covid-19) ang Cagayan de Oro human upat na lang ka mga residente ang mipositibo sa virus, sumala sa report sa City Health Office sa dakbayan.

Ang kinatibuk-ang ihap sa mga kumpirmadong kaso sa Covid-19 sa syudad anaa na sa 2,734.

Sumala ni Acting City Health Officer Dr. Lorraine Nery, sa upat ka mga bag-ong lokal nga kaso, usa ang close contact sa pasyenteng nagpositibo sa coronavirus, usa ang lokal authorized person outside residence (APOR), ug duha ang mga local index cases.

Sa 2,734 nga kinatibuk-ang kaso sa Covid-19 sa syudad, 399 ang mga returning overseas Filipino workers/locally stranded individuals (ROFs/LSIs) ug 2,335 ang mga local transmissions.

Matud ni Nery, sa 2,335 nga mga local nga kaso, 179 ang mga persons deprived of liberty (PDLs), 1,173 ang mga local index cases, ug 983 ang mga local cases with link.

Ang Cagayan de Oro adunay 388 ka mga active cases, 112 niini na-admit sa Northern Mindanao Medical Center ug uban pang mga ospital sa syudad, 268 ang mga outpatients, ug walo ang mga ROFs/LSIs.

Nakatala usab og 26 ka mga Covid-positive nga mga kaso nga karon naka-recover human nagnegatibo ang resulta sa ilang repeat swab test. Anaa na karon sa 2,215 ang ihap sa mga nakarekober nga mga kaso sa dakbayan.

Sa maong numero, 284 ang mga LSIs, 106 ang mga ROFs, ug 1,825 ang mga lokal nga kaso (community: 1,522; APORs: 303).

Ang ihap sa mga namatay sa Covid-19 sa syudad naa sa 131.

Nakatala usab ang Misamis Oriental og lima ka mga bag-ong kaso sa Covid-19, kini pulos mga local transmissions.

Ang kinatibuk-ang ihap sa Covid-19 nga mga kaso sa maong probinsya anaa na sa 1,178.

Sa 1,178 nga mga kaso, 201 niini mga active cases, 951 ang mga recoveries, ug 26 ang mga patay.
(City Health Office)

Related posts

Pressure Loss Caused Delay Of TALA Hybrid Rocket Launch In Mati Davao Oriental

RPN

Libreng Opera Sa Anaay Goiter Ug Danlak Magpa-Prescreening Na

RPN

ZCMC Conducts Vaccine Simulation

RPN