Gipatay sa live-in partner didto sa tribal community sa Purok 7, Payapag, Bacuag, Surigao del Norte ang 32 anyos nga babaye niadtong Lunes, Hulyo 27 sa may mga alas 8:00 sa gabie. Alas 9:20 sa kagabhion kini girespondehan sa mga personahe sa Bacuag Municipal Police Station ang insidente.
Naila ang biktima nga mao si MARISSA CUROB, housekeeper, ug usa ka Mamanwa tribe member samtang ang suspetsado naila nga mao si IVAN VILLARICO BELOY, 37 anyos, laborer, parehong lumulupyo sa nasampit nga lugar.
Nabutyag sa inisyal nga imbestigasyon nga ang biktima hilabihang gisumbag sa suspetsado nga gituohang ubos sa impluwensya sa ilimnong makahubog hinungdan nga namatay ang biktima.
Ang patay’ng lawas sa biktima gihaya sa Gades Funeral Parlor samtang ang suspetsado giaresto sa miresponding kapulisan. (Jun Prex Salubre, Ronda 6 RPN DXKS)