CAGAYAN DE ORO CITY- Duha ka barangay sa Cagayan de Oro ug Misamis Oriental ang nasudlan na sa Asian Swine Flu o ASF subay sa gipagulang statement sa Department of Agriculture- Region 10.
Sa gikonpirmar ni Regional Director Carlene Collado sa DA-10, maoy mga dapit nga nasudlan sa ASF dinhi sa dakbayan mao ang mga barangay sa Mambuaya ug San Simon samtang sa probinsya sa Misamis Oriental, ang mga dapit sa Jampason sa Lungsod sa Initao ug Pagawan sa Munisipyo sa Manticao.
Hinuon, gisugilon ni collado nga adunay na silay lakang nga gihimo batok niini uban sa mga local officials aron masanta ang pagkuyanap sa ASF. Nasayran nga ang Northern Mindanao mao ang ikatulo nga pork producers nga nagsupply sa baboy didto sa kauluhan.
Sa kabahin ni Leon Tan, Jr, ang Northern Mindanao Hog Raisers sa Region 10 siya nanawagan sa hingtungdan nga dili una pagpakaon sa pasaw sa mga baboy ug iyang giawhag ang tanan nga magmainampingon aron dili mosamot pagkuyanap sa ASF sa mga baboy ilabi na sa syudad sa Cagayan de Oro ug Misamis Oriental. (DA-10 Press Release)