Iriga City – Nadagdagan pa an mga brgy sa banwaan kan Bula, Camarines Sur na nalaog na kan African swine fever (ASF).
Inot kaini, an barangay sto domingo an pinaglockdown na kan Department of Agriculture, alagad ngunian pirang barangay pa sa palibot kaini an pinaglockdown matapos na magpositibo an resulta kan magkapirang sample na ipinadara para sa eksaminasyon.
Sigun sa pahayag ni konsejal Nono Decena sa intrevista kan Radyo Ronda na pinag-olayan naman ninda an sinambit ng bagay sa sangguniang bayan, kasabay kan rekomendasyon sa mga brgy. officials na pakusugon an saindang mga check point tanganing dai makaluwas an karne asin ataman na orig sa sinambit ng banwaan.
Tinaw’an nin duon ni Decena na namumundo sinda sa magigin kapaladan kan mga nag-aataman nin orig huli ta magkakaigua nin culling O boluntaryong pag-gadan sa mga ini sa palibot kan lugar kun sain nagbutwa an ASF.
(OIC Melvin Barayoga, RPN DZKI Iriga)
(Source: Interview with Nono Decena)