Kapwa tumaas ang approval at trust rating nina Pangulong Rodrigo Duterte at Vice President Leni Robredo para sa buwan ng Disyembre.
Batay sa survey ng Pulse Asia, naitala ang 87% approval rating ni Pangulong Duterte habang nasa 83% naman ang trust rating nito.
Mas mataas ito ng 9% kumpara sa naitalang 78% na approval rating ng pangulo noong Setyembre.
Samantala, tumaas naman ng 7% ang trust rating ni Robredo kung saan nakakuha ito ng 53% kumpara sa naitalang 46% para sa buwan ng Setyembre.
Habang tumaas din naman ang nakuhang approval rating ng pangalawang pangulo na sumampa na sa 58%.
Pinakamataas naman ang approval at trust rating ng pangulo sa Mindanao habang naitala ang pinakamataas na approval at trust rating ni Robredo sa Visayas.