Antas ng tubig sa Angat Dam nadagdagan

Nadagdagan ng mahigit isang metro ang antas ng tubig sa Angat Dam sa nakalipas na 24 oras.

Batay sa PAGASA Hydrology Division, sumampa na sa 164.39 meters ang antas ng tubig sa Angat kaninang alas 6:00 ng umaga.

Bahagya rin namang tumaas ang tubig sa La Mesa kung saan pumalo na ang water level nito sa 174.20 meters.

Gayundin naman ang Ipo Dam at iba pang dam sa Luzon maliban lamang sa Caliraya Dam na bahagyang nabawasan.