Hindi na ikinabigla ni Police Regional Office 10 Director B/Gen. Rolando Anduyan ang pagkakasama ni Lt. Col. Jovie Espenido sa drug watch list ng pamahalaan.
Ayon kay Anduyan, hindi na bago para sa kanila ang pagkakasangkot ni Espenido sa illegal na droga.
Aniya, pawang mga media at publiko lamang ang hindi nakakaalam na matagal nang nasa listahan ng narco-police ang itinuturing na poster boy ni Pangulong Duterte sa kanyang kampanya kontra illegal na droga.
Dagdag pa ni Anduyan, ang isyung pagkakasangkot ni Espenido sa illegal na droga ay siyang kanyang dahilan kung kaya’t nagsusumikap ito ng husto sa ipinapatrabaho sa kanya ni Pangulong Duterte.
Samantala, nananatiling tahimik naman ang kontrobersyal na si Espenido kaugnay sa naturang usapin.