Andanar pinaiimbestigahan,pinatutugis na ang mga suspek sa pamamaril sa isang broadcaster sa Davao Del Norte

Ipinag utos na ni Presidential Communications Operations Office Secretary Martin Andanar ang pag-iimbestiga sa nangyaring pamamaril sa isang brodkaster at public information officer sa Davao Del Norte.

Ayon kay Andanar, makikipagtulungan sila sa otoridad ng Davao Del Norte sa imbestigasyon at pagtugis sa mga suspek sa nangyaring pananambang kay Pat Lucero Pacquiao kahapon araw ng Biyernes.

Iginiit naman ni Andanar, na kanilang kinokondena ang mga karahasan laban sa mga media practitioners na wala namang ginawang masama kundi maghayag ng impormasyon sa publiko.