Alaska Aces pinataob ng TNT Katropa sa PBA Governor’s Cup

Pinataob ng TNT Katropa ang Alaska Aces sa overtime period ng kanilang laban sa PBA Governor’s cup, kagabi.

Ito ay matapos kumamada ni TNT Import KJ Mcdaniels ng walong puntos at tuluyang napalawig ang panalo ng Katropa kontra Aces sa iskor na 99-93.

Sa kabuuan ng laro, nakagawa si Mcdaniels ng 37 puntos at 13 rebounds.

Samantala, nakapag-ambag din naman si Troy Rosario ng 23 puntos sa panalo ng koponan.

Sa ngayon, target ng TNT na mapabuti pa ang standing sa laban nito sa susunod na linggo kung saan makakaharap nito ang NLEX.