Agtultuloy ti panangidiaya ti gobrieno probinsial ti libre a lugan para kadagiti agprobproblema a kaprobinsiaan idiay Metro Manila.
Segun kenni Mr. Marcell Tabije, Local Disaster Risk Reduction Management Office IV ti gobierno probinsial karaman kadagiti kalikagum nni Gob. Matthew Marcos Manotoc a matulungan a makasubli ditoy probinsia dagiti naawanan ti pagtrabahoan ken dagiti nagsangpet nga Overseas Filipino Workers.
Pinasingkedanna nga iti agdama keta du pay dagiti kakailian a napinget ti kalikagum a makaawiden dagitoy probinsia.
Impalgakna nga agtultuloy met ti panangtingiting dagiti maseknan nga opisial no kasapulan a mapagawid dagitoy.
Nagapila ni Tabije iti panagan-anus dagiti kakailian gapu ta limapulo a porsiento met laeng iti kapasidad ti bus ti maipalubos nga aglugan.
Inlawlawagna a ti kaudian a nagbiahe a bus a napan idiay Manila ket idi Domingo ken daytoy ket nagitulnog met kadagiti napupok ditoy Ilocos Norte.
Innayunna a ti agdama ket adda manen ti mannarimaam a maiyur-urnos a sabali pay a bansada dagiti ‘’returning residnets’’ manipud idiay Manila nga agawid dioy probinsia.