Iriga City — Inurgulyo ngunian ni Congresswoman Nina Taduran kan act cis, na dai sinda nagpapabaya sa mga frontliners na iyo an inot na naglalaban sa hilang na Covid 19 sa nasyon.
Ini an nagin laman kan saiyang pahayag matapos na manao nin cash assistance sa mga frontliners sa banwaan nin Baao kan nagtalikod na Sabado.
Sigun sa saiya, binibisto kan party list an saindang buwis buhay na trabaho tanganing matabangan an mga namamanwaan na dai maulakitan kan nakakagadan na hilang.
Duman sa kongreso sinabi kan congresswoman na saindang ilalaban an pagtao nin tamang benipisyo sa mga frontliners sa nasyon.
Si Taduran propyong Iriguenio asin iyo an saros a tulong kongresista na nagtutukaw sa act cis na iyo an nag-numero uno kan nagtalikod na eleccion.
An congresswoman an nagbariwas nin tig- sangribong pesos sa maabot sa sangribong frontliners sa sinambit ng banwaan. (OIC Melvin Barayoga, RPN DZKI Iriga City)
(Source: ACT-CIS Party List)