Kinumpirma ng COMELEC o Commission on Elections na nagkaroon ng “accidental firing” sa PICC o Philippine International Convention Center kung saan naroon ang tallying ng resulta ng midterm elections.
Ayon kay COMELEC Spokesman James Jimenez, nangyari ang insidente habang nagpapalit ng shift ang mga security officers at inililipat ang kanilang caliber .40 pistol sa susunod na mga security personnel.
Kasabay nito, nilinaw rin naman ni Jimenez na walang nasaktan o napinsala bunsod ng naturang “accidental firing.”
Aniya, dahil dito ay mas paiigtingin pa nila ang ipatutupad na security protocol upang hindi na maulit pa ang nasabing insidente.
“No one was harmed, no one was damaged, so yun yung nangyari at yun yung ingay na narinig. In the meantime, meron na tayo sandbox where the rest of the time now that the rest of the time we’re here, doon gaganapin shift change so added security measures, safety protocols, and again at the proper time, mandatory training for our people as well.”