Malaumon si bise mayor Kikang Uy nga makatabang sa katawhan sa dakbayan ang pagpatuman karong tuiga sa mga proyekto alang sa sistema sa panubig nga mobalor og P32.7M.
Kini human nasukip sa giaprobahang P1.71 bilyones nga infrastructure projects and programs nga pundohan ubos sa general fund sa kagamhanan sa dakbayan sa Cagayan de Oro ang siyam ka mga water system projects dinha sa pipila ka barangay sa syudad.
Lakip niini ang balor P4.49 milyones nga pipeline installation dinha sa Purok 2, Balubal Water System, P2 milyones nga pagpalambo sa Besigan Water System, P3.73 milyones nga Malasag Water Supply System sa barangay Cugman, water system balor P2.25
milyones alang sa Langag Dansolihon, P6.1 milyones nga proyekto alang sa water source development and rehabilitation of distribution system sa FS Catanico, P1 ka milyon alang sa pagpalambo sa Mambuaya Water System, balor P5.33 milyones nga
distribution pipeline sa Pamalihi relocation site sa barangay Pagatpat, P25 milyones nga proyekto pagpalambo sa San Simon Water System ug P5.33 milyones nga proyekto alang sa water source development and rehabilitation of distribution system sa barangay Tignapoloan.
Ang konseho sa syudad padayon gayud nga magsuporta sa mga programa ug proyekto sa administrasyon ni mayor Oscar Moreno alang sa pagkab-ot sa dugang kaarangan sa kinabuhi sa tanang Kagay-anon, pamahayag ni bise mayor Kikang Uy. (SP)