Nasunog ang 9 ka mga bayay sa lungsod sa Alegria sa may P-2 Brgy. Poblacion, Alegria, Surigao del Norte niadtong adlaw’ng Sabado sa alas 8:28 ang takna sa buntag. Gama lamang sa light materials ang mga bayay.
Naila ang mga biktimang nasunogan nga sila ni SAMIRAH LUMABAO ADEL, FARIDAH ADEL TOMAROMPONG, NAGA ADEL, ROCKY HADJI ALI, MAGDARA TANTAO, SACANDATO SICAG, RAILYN HADJI ALI, ROHANIE ADEL, ug FAIZ HADJI ALI.
Sa imbestigasyon sa Bureau of Fire Protection sa Alegria nasayran nga nagsugod ang maong sunog sa 2nd floor nga gipanag-iyahan ni SAMIRAH LUMABAO ADEL nga diin ang hinungdan mao ang pagbuto sa linya sa kuryente.
Mikabat sa kapin kon kulang P112,500 ka pesos ang damyos sa nahitabong sunog nga diin 4 ka bayay ang totally damaged samtang 5 ka bayay ang partially damaged. Gideklara nga fire out sa alas 9:04 ang takna sa buntag pinaagi na sa BFP. (Mark James Lisondra, Ronda 21 RPN DXKS)