CAGAYAN DE ORO CITY- Usa ka tawo sa Northern Mindanao ang konpirmadong positibo sa bag-ong virus nga miresulta sa coronavirus disease diin unom niini nagagikan sa Cagayan de Oro, sumala pa sa City Health Cluster. Kini moay nakapahimong 21 na tanan ang Covid-19 cases sa dakbayan sa Cagayan de Oro.
Ang laing duha ka positibo sa walo ka pasyente nagagikan sa Gingoog City, sakop sa Misamis Oriental. Matud pa ni Northern Mindanao Medical Center Medical Specialist Dr. Bernard Rocha nga ang 2 ka residente sa Gingoog mao ang usa ka 30 anyos nga lalaki ug iyang usa ka tuig pa nga anak nga babaye nga kasamtangang naa karon sa NMMC.
Gisugilon ni Dr. Rocha nga ang 30 anyos usa ka construction worker sa Manila. Nastranded siya sa maong dapit sukad sa lockdown niadtong bulan sa Marso. Niadtong Hunyo 5, nakakuha siyag clearance pagbiyahe ug nakakuha sa negatibong resulta sa rapid test nga gihimo.
Niadtong Hunyo 9, mibyahe siya pinaagi sa 260 ug nahidangat sa panakit sa tutunlan ug gikwarentina. Mihimo kini sa rapid test ug nigawas nga positibo ang resulta.
Niadtong Hunyo 12, nagpadayon ang sintomas sa 30 anyos ug nakasinati sa paglisod pagginhawa. Gikuhaan siyag swab ug gitest sa NMMC ug ang resulta positibo niadtong Hunyo 13. Sa pagka karon, stable na ang condition sa pasyente ug padayon nga nagtake sa antibiotics. Ang iyang anak sa pikas bahin, anaa na usab sa stable condition ug naa pa sa tambalanan sa kasamtangan. Positibo ang resulta sa swab test niiini tapos nakasinati sa ubo, sip-on ug kalibanga samtang nagbiyahe sila pauli sa dakbayan sa Gingoog.
Ang pinakabag-ong Covid-19 cases in Cagayan de Oro nag-apil na sa usa ka residente sa Barangay Bulua ug ang lima ka kauban sa pamilya sa Covid patient nga taga Dabatian St, sa barangaya Carmen ning syudad.