Tinatayang nasa 7,500 na ang mga Overseas Filipino Workers (OFW) ang napauwi ng pamahalaan sa kani-kanilang mga bayan at probinsya.
Ito ay kasunod na ibinigay ni Pangulong Rodrigo Duterte na isang linggong ultimatum sa Department of Labor and Employment (DOLE), Overseas Workers Welfare Administration (OWWA) at Department of Health (DOH) upang pauuwiin ang mga nakatenggang OFW’s sa mga quarantine facilities sa bansa.
Ayon kay OWWA Administrator Hans Cacdac, nasa 20,000 pa ang mga OFW’s na hanggang sa ngayon ay naghihintay parin ng resulta ng kanilang COVID-19 tests sa mga quarantine facilities sa Metro Manila.
Aniya, nasa 27,000 kasi ang kabuuang bilang ng mga OFW’s na nailikas sa ibang bansa at inaasahan pa nilang madaragdagan ito ng 43,000 sa susunod na buwan.
Samantala, magugunitang inilikas at nagsiuwian ang mga OFW’s dahil sa kawalan ng trabaho sa ibang bansa dahil sa epekto ng COVID-19.