Anim na miyembro ng grupong Maute-ISIS ang sumuko sa mga awtoridad sa barangay Lumbac sa bayan ng Sultan Dumalondong, Lanao del Sur.
Kinilala ang mga sumukong bandido na sina Kasanudin M. Hadji Razul, Hizam Imran, Salic Musa Mangao, Taybo Abaser Kandi, Songra M Hadji Razul at Nader Musa Mangao.
Itinurn-over naman ng anim sa Sultan Dumalondong Municipal Police Station, 49th Infantry Battalion Philippine Army at intelligence personnel ng police provincial headquarters Lanao del Sur ang kanilang mga armas.
Samantala, tiniyak ni Autonomous Region in Muslim Mindanao (ARMM) Regional Police Director, Chief Supt. Graciano Mijares na kanilang ipagpapatuloy ang ugnayan sa Armed Forces of the Philippines (AFP) at mga komunidad sa Lanao del Sur upang mahikayat ang iba pang nalalabing terorista na sumuko.
—-