Sumampa na sa anim ang mga lugar na isinailalim sa Signal No. 3 ngayong umaga ng Lunes, December 2.
Ito’y habang patuloy na nagdudulot ng pangamba ang Bagyong ‘Tisoy’ dahil sa posible nitong dalang malalakas na buhos ng ulan sa iba’t ibang bahagi ng bansa ngayong hapon.
Ayon sa 11AM weather bulletin ng PAGASA, posibleng makaranas ng panaka-nakang malakas na buhos ng ulan ang rehiyon ng Bicol, mga probinsya ng Samar at Biliran.
Pabugso-bugsong malakas na buhos ng ulan naman ang mararanasan sa Northern Cebu, Northern Negros Island, Dinagat Islands, Siargao Island, at nalalabing bahagi ng Eastern Visayas.
Posible namang makaranas, sa pagitan ng araw ng Lunes o Martes, ng madalas hanggang patuloy na buhos ng malakas na ulan sa Bicol region, Northern Samar, Southern Quezon at Marinduque.
Inaasahan ding uulanin ang Romblon, Mindoro provinces, Samar, Eastern Samar at nalalabing bahagi ng Calabarzon.
Uulanin din ang Metro Manila, Central Luzon, eastern portions ng Cagayan at Isabela, at nalalabing bahagi ng Eastern Visayas.
Pinag-iingat ang mga residente sa mga naturang lugar dahil sa posibleng maranasang pagbaha at landslides.
Itinaas naman ng PAGASA ang Signal No. 3 sa mga sumusunod na lugar:
- Catanduanes
- Camarines Sur
- Albay
- Sorsogon
- Southern portion ng Camarines Norte (Daet, San Vincente, San Lorenzon Ruiz, Basud, Mercedes)
- Burias Islands.
Nakataas naman ang Signal No. 2 sa mga sumusunod na lugar:
- Metro Manila
- Bulacan
- Bataan
- Pampanga
- Eastern portion ng Nueva Ecija (Pantabangan, Rizal, General Mamerto Natividad, Cabanatuan, Santa Rosa, Jaen, San Antonio, Bongabon, Laur, Gabaldon, General Tinio, Palayan, San Leonardo, Cabiao, San Isidro, Gapan, Peñaranda)
- Southern Aurora (Dipaculao, Maria Aurora, Baler, San Luis, Dingalan)
- Cavite
- Batangas
- Laguna
- Rizal
- Quezon kabilang ang Polillo Islands
- Oriental Mindoro
- Occidental Mindoro
- Marinduque
- Romblon
- rest of Camarines Norte
- Masbate kabilang ang Ticao Island
- Northern Samar
- Eastern Samar
- Samar
- Biliran.
At itinaas naman ang Signal No. 1 sa mga sumusunod na lugar:
- Southern Isabela (Palanan, Dinapigue, San Mariano, San Guillermo, Benito Soliven, Naguilian, Reina Mercedes, Luna, Aurora, Cabatuan, San Mateo, Cauayan City, Alicia, Angadanan, Ramon, San Isidro, Echague, Cordon, Santiago City, Jones at San Agustin)
- Mountain Province
- Ifugao
- Benguet
- Nueva Vizcaya
- Ilocos Sur
- La Union
- Pangasinan
- Quirino
- nalalabing bahagi ng Aurora
- nalalabing bahagi ng Nueva Ecija
- Tarlac
- Zambales
- Calamian Islands
- Aklan
- Capiz
- Antique
- Iloilo
- Guimaras
- northern portion ng Negros Occidental (Bacolod City, Bago City, Cadiz City, Calatrava, Enrique B. Magalona, Escalante City, La Carlota City, Manapla, Murcia, Pulupandan, Sagay City, Salvador Benedicto, San Carlos City, San Enrique, Silay City, Talisay City, Toboso, Valladolid, Victorias City)
- Northern Cebu (Bantayan, Madridejos, Santa Fe, Medellin, Bogo City, San Remigio, Tabogon, Tabuelan, Borbon, Sogod, Catmon, Asturias, at Camotes Islands)
- Metro Cebu (Balamban, Toledo City, Pinamungahan, Aloguinsan, Naga City, Talisay City, Cordova, Minglanilla, Lapu-Lapu City, Mandaue City, Cebu City, Consolacion, Liloan, Compostela, at Danao City)
- Leyte
- Southern Leyte
- Dinagat Islands
- Siargao Island.
Samantala, posible namang maranasan ang higit 3-meter storm surge sa mga sumusunod na coastal areas:
- Camarines Norte (Mercedes at Mandao)
- Camarines Sur (Cabusao, Bombon, Calabanga, Tinambac, at Sipocot)
- Catanduanes (Bagamanoc, Baras, Bato, Viga, Panganiban at Gigmoto)
Posible ring makaranas ng storm surge sa Quezon, Camarines Norte, Camarines Sur, Catanduanes, at Samar.