Gisugdan na ang 5-Day Seminar-Workshop kabahin sa “National Building Code of the Philippines (P.D.1096) And its Revised Implementing Rules & Regulations (RIRR) And other Referral Codes Seminar-Workshop”, niadtong Oktubre 21, 2024 sa may alas 10:00 ang takna sa buntag didto sa Mibang Hotel R and B Pavillion, Barangay Sta. Filomena, ning dakbayan sa Dipolog.
Ang maong lima ka adlaw nga kalihokan gisalmotan sa kapin 500 ngadto na sa 1,000 ka mga partisipantes gikan sa nagkalain-laing rehiyon dinhi sa nasud ug kini ubos sa pagdumala sa Department of Public Works and Highways, ubos sa National Building Code Development Office, duyog sa kooperasyon sa Philippine Association of Building Officials, Inc. (PABO).
Ang Mayor ning dakbayan sa Dipolog nga City Mayor Darel Dexter T. Uy mipadayag sa iyang “Welcome Address” dinuyogan sa PABO President gikan sa Gen.Santos City nga si Engr. Aurea M. Pascual ug DPWH 2nd DEO Zamboanga del Norte Architect, Quene Joy C. Viola. nga maoy nagpresentante ni DPWH Secretary Hon. Manuel M. Bonoan isip mga speakers.
Misalmot usab niininng maong aktibidad mao sila si PABO Board of Director Zamboanga del Norte Chapter, Engr. Jonathan V. Redillas, Bulacan PABO Vice President, Engr. Ma. Emmie G. Fernando ug Mindanao BARMIN PABO Vice President, Engr. Erwin Ronello P. Pamplona ug ubang mga PABO Officers gikan sa natad nga rehiyon. (Medalyn U.Borja)
(Source: Dipolog City Government)